Двата дела на еден автомобилски клуч
Сечилото е механика. Тоа ги поместува запците во бравата на вратата и во бравата за палење, и се копира од оригинал или се пресметува од код.
Чипот е електроника. Тоа е транспондер во главата на клучот што при вртење разменува код со возилото и потврдува дека клучот е овластен.
Двете работи се независни. Клуч со точно сечило и непрограмиран чип ќе ја отклучи вратата, ќе се врти во браварот, и нема да дозволи моторот да тргне.
Како да препознаете дека проблемот е чипот
Ако новиот клуч ја отвора вратата но не пали, а стариот клуч пали нормално, тоа е кодирање. Возилото е исправно и бравата е исправна.
Втор сигурен знак е контролната ламбичка со автомобилче и катанец на инструмент таблата. Ако трепка постојано со новиот клуч, а мирува со стариот, возилото го одбива токму тој клуч.
Ова е решливо. Постоечкиот клуч во најголем број случаи може да се кодира дополнително, без да се фрла и без да се прави нов.
Што значи „клуч без чип“ и кај кои возила постои
Кај постари возила, приближно пред средината на 90-тите години, имобилајзер воопшто немало и клучот бил чисто механички. Кај нив обичен дупликат навистина е доволен.
Од моментот кога заштитата станала стандардна во Европа, речиси секој фабрички клуч носи чип, дури и кога изгледа како обичен клуч без копчиња.
Затоа кога не сте сигурни, најбрза проверка е годината на возилото. Сè што е понови од доцните 90-ти по правило има имобилајзер.
